العنف اللفظي السوري
العنف منذ الصغر
أول درس بالعنف لما كنا صغار هو غرفة الفيران
وكانت أول درس في ثقافة العنف المكتسبة
الغرفة الوهمية إلي كانو يهددونا فيا بالمدرسة يعني كلام الآنسة
إللي بدي إسمعو عم يحكي بدي حطو بغرفة الفيران
كمان العنف النفسي اللي كان يتمارس من قبل الأهل
يعني الكلمات اللي كنا نسمعا دائماً
مثلاً:
والله لأفرمك
والله لكسرك
بدي كسر إيديك
بدي ائبرك
بدي أهري نعمتك
إزا مابسلخ جلدك عن عضمك
...الخ
في مصطلحات عنف كانت تعتمد على الطب
والله لشيل عيونك
والله لطير راسك
يشوفك الحكيم ويهز براسه
والله لأئرف رئبتك وحملك ياها
والله لئص عصبك ( أو لسانك أو إيدك ) لا فرق
في عنف مشتق من الكلام الوطني
والله لأطرئك كف خلي سنانك تمشي مسيرة ئدامك
في عنف مشتق من الحيوانات
والله لخليك تآئي ماتلائي
والله لخليك تعوّي متل الكلاب
وفي عنف رومنسي
والله لفرجيك نجوم الضهر
اللي صارت معروفة عنا أكتر من نجوم الليل
في عنف دبلوماسي
أكيد عرفتوا
هو هديك اللحظة اللي بيجي فيا الوالد الكريم حامل معو صحن سيكارتو
وبيئلنا: تعال بابا نتنائش بهدوء اعتبرني رفيئك
وبغباء الابن المعهود بسدء
وعند أول إختلاف وجهة نظر بيناتنا "طبعاً بابا"
وبس نئول: بس يا بابا هاد رأيي
بيطفي الأب سيكارتو وبيطفي وجهة نظرنا بكلمة وحدة
ولاك "..."
صار عندك وجهة نظر!
سماع ولا نص نصيص
كبرت ولا صغرت طلعت ولا نزلت بضلك تحت هالـ"..."
و مابيمشي غير اللي أنا بئولو
أوم ولا!
جيل اّخر زمن .. والله عال
حتى صار عنا عنف بإعترافاتنا العاطفية
يعني إزا حبينا حدا منئلو
تئبر ألبي
تطلع عأبري
وغيرو كتير من المفردات الي مليانة عنف
وأخيراً
تئبروني أديشكن صبورين على هالموضوع
هههههههههه :flower:
ودمتم سالمين من كل عنف
موضوع: العنف اللفظي السوري 
الأربعاء يوليو 21, 2010 12:32 pm
