تمادى بالغلط واحرق بقايا الحب وايامه!!!!

تمادى بالغلط واحرق بقايا الحب وايامه
ماهو بعيده يتجاهلني اذا يقدر وينساني
يبي يجرح احاسيسي ويحطم روح عطشانه
يكون البعد اشرف لي ولا ذلي ونكراني
وانا باوعده لا اعاتب ولا اقول اني ولهانه
ولا اذرف دمعه عطشى على مر الهوى الفاني
ابستحمل واستحمل واوريه اني انسانه
قدرت أخلق من الأشي حنان يروي بستاني

><><

لاتلمس الجرح خل الجرح وأسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم مسجون بيديني..

><><


إبي أعرف بقلبك وش مكاني~
وأبي أسمع احبك لو دقايق~
تكلمي ياحياتي بس ثواني~
وزيل الشك من قلبي حقيقه~
تكلمي وابعدي الهوجاس عني~
وبعلا صوتك رددي الحقيقه~
ترى يازين ماجاني كفاني~
عذاب الصمت من يقدر يطيقه

><><


ترمي الكلام
تظن قلبي
بيجهلك..
اصعب كلام،،
اللي جروحه "ماتـــــــــــروح"
دايم افكر كيف "اوصـــــــــــــلك"
وانت تفكر كيف تهديني "الجــــروح"

><><


حبــك اللي تدعـــي هو حب ذاتك
ومن يحب الذات مايخلص لغيره
غرنــي فيــك ظـــاهـــر صفاتــك
غــلطــتي ياللأسف كانت كبيـره
مات حبك والبقيه في حياتك
في حنايا خافقي لاقي مصيره
خذ مع الجثمان باقي ذكرياتك
تجربه حبي معك كانت مريره

><><


ما زعلت الا بعد ماتماديت بخطـــــــاك ..
تحسبيني كل مره اقبل لك عــــــــــــــذر
لوتقول اللي المفارق هذا دربه وجــــاك ..
بس ((انا)) بنصحك ياصاحبي خلك حذر
النظيف لامن عطيته يبين به عطــــــاك ..
والقذر مهما عطيته يبقى لك قـــــــــــــذر

><><


ماعاد ينفع لو تعذرت ورجعـــــــــــت ..
فات الاوان وقل قدرك وشانــــــــــك
وشلون اسامح وانت في الود قصــرت ..
وبعت الرفيق اللي وفالك وصانــــــك
والحين جاي تقول نادم وفكــــــــــرت ..
خل المحبه وانت خلك مكانــــــــــــك

><><


ارحلي لو يزين الوقت والا يشين في فؤادي وعيني هجر الأشواق حان
ارحلي من خيالي في زحام السنين واتركيني لصدمات الهوى والزمان
كان ترضين وإلا يا عسى تزعلين
كل ما قلت: هذا صادق الحب خان اتحاشا خسارة كل شيء ثمين
والله إنك زمان طاف رمش وعين بس ما عاد لك
في وسط قلبي مكان !!!

><><


في عز ماكنت محتاجك تخليني
هذا جزاء الطيب والمعروف يالغالي
تدري في قربك تموتني وتحييني
اليوم بالذات تكفى لا تجافيني
محتاجك اكثر واكثر من نظر عيني
الله يعلم وش اللي صاير فيني
ابيك تجمع حطام اللي انهدم فيني
انا دخيلك علي ضاقت احوالي

><><


تدري أن الجرح للمجروح دين..
وانت جارحني وحقك اجرحك
وين تبعد وأنت في نفسك سجين..
وين تنسى وانت ناسيني معك
كيف تفرح وانت تاركني حزين..
طيف جرحك مثل ظلك يتبعك

><><


وش ناوي؟؟ وليه انت علي قاسي!!
كفايه تشعل النيران بقلبي وتجرح احساسي
حسبتك اعز انسان هديتك اعذب الالحان
تحابينا مثل الاخوان
تسامرنا مثل خلان
تزاعلنا وتراضينا
الا هالمره ترى غلطان
طعنت القلب وخليته يعاني نزف والم حرمان
وذوقته العذاب الوان
حسافة فوق كل هذا تجيني
بصورة الولــهان
وبكل بساطة تقول اعذرني ترى
"ندمــــــــان

واااااو روعه عنجد ابدعتي يعطيكي العافيه

DSGL,

يسلمووو

يسلمو روعة