بدى احكى قصة يااخوان

بدي أحكي قصة يا اخوان .. الله واحد ما له ثان

القصة قصة إنسانة .. عاشت في قديم الزمان

أولها كان يا مكان .. كان لها أربع صبيان

محمد وأحمد وغسان.. وأصغرهم اسمه عدنان

لما كبروا هالصبيان.. وشاهدوا غدر اللئام

سألوا أمهم يا يما .. ليش ما إلنا بستان

وينه أبونا يا يما.. قلتي لنا انه رجعان

وليش بنسكن بالخيمة .. من دون كل الجيران



قالت أمهم يا ولادي .. كان لنا أجمل بستان

حرثه أبوكم بذراعه .. زرعه العنب والرمان

كله فَيّ وكله مَيّ .. كله خضرا واطمئنان

وبجنبه النا بيارة .. فيها الحامض والحليان

وبالبيارة بئر كبير.. حفره أبوكم للعطشان

وقباله شارع طويل .. بينزل دغري على بيسان

على طرفه كله أزهار .. ورد وفل واقحوان

وبغربه كان لنا بيت.. وعقابله ساحة وميدان

وفي الساحة مربط للخيل.. لأبوكم شيخ الفرسان

فيه القهوة وفيه الهيل.. فيه حدِّثْ يا مكان

كنا نقضي فيه الليل.. والقمر فوقنا سهران

نتسامر ونقول يا ليل .. والدنيا كلها أمان



كنتوا انتوا أولاد صغار.. تنزلوا عن البستان

تقطعوا من الأثمار .. وتلعبوا مع الأغصان

ومر الزمن يا أحبابي.. كبر العنب والرمان

لكن الظالم يا ولادي.. غادِر ما إله أمان



هجموا علينا الأعادي.. ونزلوامن البدر النسوان

سقط أبوكم يا ولادي.. وهو يدافع عن البستان

واللي استشهد استشهد .. وتصاوبوا كل السكان



اليوم كبرتوا يا ولادي.. صرتوا من رجال الشجعان

فلسطين بتستنى .. بتستنى كل الفرسان

فلسطين بتستنى .. بتستنى كل الفرسان

وبتنادي هِي يا ولادي.. حرِّروني من العدوان



تطوَّع أحمد وغسان.. لحقه محمد وعدنان

ونزلوا على فلسطين.. حملوا المدفع والقرآن

عند حدود البيارة.. والقمر يرسل لمعان

واستشهدوا في الغارة.. قبل ما يشوفوا البستان

وعلى باب الخيمة وقفت.. أم أحمد أم الشجعان

وقالت ياربي حمدك .. ما غيرك إني حمدان

رايح أبكي طول الليل .. لكن ياربي فرحان

القصة حلوة كتير يسلمو

?????? ????? ?? ????

يسلموو يديكي قصة كتييير حلوة ومؤثرة شكرا للمنشد موسى

يسلمووووووووو انا بحبها كتير هاد الانشودة

شكرا كتير

قصة حلوة كتييييير
يسلمو :bball: :bball: :bball:

ي:س:ل:م:و:

يسلمووو يا زوء على راسي موسى مصطفى

كتييييييييييير حلوة

يسلموووووووووووووووووووو

الاله يسلمك

يسلموااااااااا انا بعشق هااااااااي الانشوده
وحملتها على مبايلي
يسلموووووووووووووووووووو

الله يسلمكو منورين

لا الله الا الله هالقصيدة مؤثرة بالفعل يا رب ان تنصر اهل فلسطين وان تتحررها من كل ايد صهيوني محتال ويصبر اهل فلسطين وخفف ايد الصهاينة علينا امين انا من فلسطين وبدعي دايما انها تتحرر واقصانا الي قاعد بروح منا واحنا ساكتين مقصرين بس يا ويلي شو طالع بايدنا الي بروح مجرد ما يطبش حجار بياخدو وبيروح فيها وبسير يحكي يا ريتني ما اجيت انا ابوي : قبل 25 سنة افرجو عنو انسجن 13 سنة لانو رما قنبلة وهرب وضلو يدورو علية الا لما مسكو الله لا يوفقهم قلبي محروق وساكتة ما بيطلع معانا اي شي ولا اي نتيجة حسبي اللله عليهم

تسلمي

منورءين