تذكر يوم أقولك جسد يحتوي روحين...}
{....وأوعدك ماخليك وتوعد ماتخليني
أذكر يومها أشوف بالدنيا بس أثنين...}
{....قلبي اللي يحبك وقلبك اللي يحويني
بعدها بأيام شفت أيديك تحضن أيدين..}
{...وأنصدمت يوم شفت إنها غير أيديني
سكتت لجل خاطرك وقلت مرحبا بالزين ...}
{....مرحبا باللي القلب لجله حيل كاويني
مر يوم وأسبوع وشهر وبعدها شهرين...}
{...وهو لا زال مايدري بأني شفته بعيني
وأخاف إني أقوله خاين وينجرح بعدين...}
{...وأخاف أسكت وبسكوتي صمتي حيل يشقيني
واجهته وأنا أبكي والعين تحضن العين...}
{...سألته:ليه تنساني؟ولا ماكنت تغليني.؟
سكت ولف عني وخبى وجهه بالإيدين...}
{.....اللي كانت تحضني وغيرها ماتدفيني
سحبت وجهه ومسحت الدمع على الخدين...}
{...وقلت له والله أحبك ولو إنك تخليني
سكت فتره وقالي:لا زلتي تحبيني.......}
{.......بعد اللي تشوفينه لا زلتي تحبيني
أبتسمت وقلت أجل ماعرفت للحين...}
{...أني أحبك حيل واللي يرضيك يرضيني
سكت فتره وأنا أعاود فرحه بقت لسنين...}
{.......وتركته وتركت حبه اللي بقى فيني
وصارت الدمعه إذآ هلت أقول أهلين...}
{......والبسمه هجرتني ونست دربها فيني
بعدها بأيام سمعت خبر والله شين......}
{....سمعت إنه مات وهو يطلب يلاقيني
ويوم إني رحت وصيته لي بورقتين.....}
{......الأولى بها أسمي كتب بدمه يغليني
والثانيه يقول فيها:أبي أوضح لك شيين...}
{...الأول أحبك حيل وماسكن غيرك شراييني
والثاني أمانه لا جيتي لأهلي تعزيني....}
{...لا تنزل دموعك لي طلبتك لا تبكيني
واللي أبيه إنك بالخير لي تدعين ......}
{......وإنك بالشهر مره بقبري تزوريني
واللي أبيك تعرفينه ومهم إنك تعرفين...}
{......اللي شفتيهامعي كانت بموتي تبشرني
أنا اللي خليتك من كيفي تبعدين......}
{...لجل ماينجرح قلبك بلحظة موت تحويني
تكفين لا تظنين إني خنتك يالغلا تكفين...}
{...وإذآ لا زلتي تحبيني دايم بالخير إذكريني
سكتت وقلت:ياليتني ظليت معك يازين....}
{....وشفت الموت ياخذك مني ولاكذا تخليني
تظنون إني نسيت أو الدمع جف بالعين...}
{....لا والله إلين اليوم وهو معي يخاويني
لو تدور الدنيا ولو تمر بعدها سنين.....}
{....مانسيته لو أشوف أحفادي حواليني
موضوع: لا تنزل دموعك لي...(طلبتك) لا تبكيني 
الخميس فبراير 02, 2012 4:56 am
