كلمة "نعم" صعبة لكن كلمة "لا" أصعب

أنا خاطب بس أنا بحب واحدة تانية، ومش
قادر أبعد عن خطبتي، هي ماعملتش أي حاجة مضايقاني، وكل ما أقول لها حاجة
تقول لي حاضر، وماترضاش تزعّلني، وأنا مش قادر أقول لها أسيبك؛ لأنها
بتحبني أوي وخايف أقول لها أسيبك ممكن تنهار فيها، أنا خايف أجرحها أو
أزعّلها، وخايف آخد قرار إني أسيبها، وبعدين أندم عليه وأقول ياريت، واللي
أنا بحبها ماتعرفش إني خاطب. أرجو الرد.

M.S

طبعا أنت ماقولتش تفاصيل كتير، يعني إمتى حبيت التانية، أو هل لو سبت
خطيبتك هترتبط بالإنسانة اللي بتحبها ولا لأ؟ دي كلها حاجات مهمة، عشان
تقدر تساعد نفسك.. لو مشيت في طريق وعرفت إنه غلط أو مش هو ده اللي أنت
عاوزه أحسن لك ترجع في الأول.

ممكن تضيّع ساعتها شوية وقت وممكن تخسر ناس في السكة، بس ده أفضل كتير
من إنك تخسر نفسك، أعرف شخصا مقرباً ظل يعاني في علاقة من كل الجوانب..
علاقة لم يتحمّل مسئوليتها يوماً لأنه لا يحب شريكته.. ومع ذلك لم يدع
صداعها يتركه؛ لأنه يعرف أنها تحبه ويستخسر أن يتركها.. فظل لا يستطيع أن
يقول.. لا.. مش عايز..

كان يرد دائما بـ"مش عارف"، فهو لا يعرف.. هو عاوز ولا مش عاوز،
ولذلك ظل يدور في دائرة مفرغة ما يقارب الثلاث سنوات، ويعذب شريكته ويظلمها
دون أن يشعر.

زمان كنت أشعر أن كلمة "نعم" تحتاج إلى الكثير من التفكير، وعلمني الزمن أن كلمة "لا" أصعب وأخطر وتحتاج إلى شجاعة وتفكير أكثر.

لأننا في الحقيقة تعودنا على عمل العديد من الأشياء غصبا عنا،
مدفوعين بظروف معينة ورغبات وظواهر اجتماعية اعتدناها ولم يعد من السهل أن
نقول لها "لا".

نعم يا صديقي.. البعض يقومون بأشياء غصبا عنهم، البعض يندمون على
ما قاموا به؛ لأنهم قهروا أنفسهم أو ربما لأن أنفسهم قهرتهم أو قلوبهم
تغلبت على عقولهم أو العكس، لم يعد سهلا الوصول إلى "نعم" أو " لا" متوازنة
ومريحة ومُرضية لكل الأطراف.

ولكننا يمكن أن نعرف إن كانت إجابتنا حقيقية ومتوازنة.. فقط عندما نشعر
بعدها بالراحة وبالرضا.. حتى لو كان غيرنا غير مرتاح أو راضٍ عن إجاباتنا..
فخسارة آخرين مروا بحياتنا أبسط كثيرا من خسارة أنفسنا.

استخر ربك، وأسأله أن يهديك الصواب، واختبر قلبك وعقلك وفكر إلى أي
اختيار تميل، كل الجروح والأحزان تمر وتنتهي بمرور الوقت، والاستمرار في
الخطأ لن يجعل منه شيئا صحيحا، فاستمرارك في علاقة بلا حب أو تفاهم، لن
يوصلك لشيء سوى الخيانة وعدم الاستقرار.

لو عايز تفضفض لنا دوس هنا

يسلموووو

يسسسسسسسسسسمنوووو

» أسئلة صعبة صعبة جداااااا
» صعبة صعبة الغاز صعبة
» كلمة بكلمة.. ينبض حرف وتنطق كلمة
» كلمة... كلمة.. نكون جملة
» الغاز صعبة