هل انت مع او ضد ان يصرف الولد على ابيه بعد زواجه..

السلام عليكم

سؤالي واضح
انا لا اقصد الصرف بمعنى الصرف لا
مثلا خضروات فواكه يعني هذي الاغراض البسيطة
سؤالي ما جاء من فراغ
سؤالي هذا طرح نفسه من تصرفات ابناء هذا الجيل انا لا اعمم لكن البعض منهم
راح احكيلكم قصة جارنا وهي اللي استدعتني لمناقشة هالموضوع


القصة كالآتي:
هذا شاب درس لين الثانوية وبعد التخرج ابوه قال له: رح وادرس في الاردن
وفعلا .. درس وتخرج وبعد التخرج على طول ابوه قال له: نبي نزوجك بنت خالتك
واخونا في الله تشقق من الوناسة لاحظوا ان
مصاريف الجامعة والزواج وحتى بعد زواجه كانت عالاب
بعد مرور كم سنة كبر الاب وجار عليه الزمن وصار ما يقدر عالشغل فتركه
وصارت بنته هي اللي تصرف عالبيت بطريقة حلال وتروح امها معها
والاب يجلس في البيت بروحه والولد نسي ان عنده اب مريض
ما همه ان اخته تشتغل عشان تجيب علاج ابوها
مع العلم ان حالته المادية احسن بكثييير من اهله.....
كتبت هالموضوع قبل ايام وكنت مقررة اني انزله امس لكن..
صار حدث ختام للقصة ذي الحدث هو:
وفاة الاب امس 22/5/1433 بنفس هالوقت بالضبط .....انتهت



س/ هل انت مع ام ضد
ان يصرف الولد على اهله بعد زواجه سواء بحياة الاب او مماته؟