اوعي تذاكر وستك جالسة بجانبك

:oops: إوعى تذاكر وستك جالسة جمبك :oops:
الله أكبر الله أكبر ............. { أذان الظهر }
الجدة:يارب بحق الأذان تنجح يانون يابن ابني وأشوفك دكتورأد الدنيا
الحفيد: يا ستي بس أنا في تجارة
الجدة: ومالو يا ابني هو يكتر على ربنا ؟ دا ربنا قادر على كل شئ
الحفيد:ياستي ونعم بالله بس إللي يطلع دكتور لازم يكون في كلية طب مش تجارة
الجدة:يلا تجارة تجارة ومالها التجارة دى حتي جدك الله يرحمه كان تاجر في الوكالة أد الدنيا
الحفيد: ياستي التجارة إللي في الوكالة حاجة وإللي في الكلية حاجة تانية خالص
الجدة:عالعموم شد حيلك انت وأنا أخلي جدك ياخدك معاه الوكالة تتدردح في السوق
الحفيد:جدي ايه يا ستي إللي هياخدني معاه؟ دا جدي مات من زمان
الجدة:يامصيبتي عبدالواحدمات ياحبيبي يا جوزي مكنش يومك يا سبعي
الحفيد:يا ستي دا ميت من 30 سنة
الجدة:30سنة العمربيجري ياولاد تصدق ولاحسيت بيهم يلا أهو قطع وقطعت سيرته دكان بخل الدنيا فيه عمره مدخل علية بفاكهة أبدا
الحفيد:ياستي حرام عليكي عايز أذاكر بقى .
الجدة:يوووه وأنا مسكاك يا وله ذاكر ذاكر علشان ربنا ينجحك وتاخد الدبلون.
الحفيد:يا ستى دبلوم ايه اسمه البكالريوس .
الجدة:أنت هتضحك عليا يا وله اسمه الدبلون الواد محسن بن فايزه جدع زيك كده فى مدرسة التجاره وخاد الدبلون
الحفيد:خلاص دبلون دبلون يا ستى سبينى بقى علشان أذاكر
الجدة:ذاكرذاكر يخويا تعرف يا واد ندرا عليا لما تنجح لأجوزك عبير بنت زنوبه دى ايه يا واد أدب وأخلاق وعلام
الحفيد:يا ستى عبير معاها الإعداديه
الجدة:وماله يابنى الراجل ميوش إلا جيبه
الحفيد:راجل.. راجل مين ياستي عبير دي بنت
الجدة:عبير..عبير مين ياولة انت تعرف بنات من ورانا
الحفيد:لا اله إلا الله أبوس ايدك ياستي ارحميني بقة
الجدة:طيب ذاكر ذاكر وانت طالع كدة ذي أمك قطعت وقطعت سيرتها أنا مش عارفة أبوك اتجوزها على ايه؟ حكم قال لبس البوصة تبقى عروسة،بس واللي نبى النبي نبي لأكون مجوزاه أنيسة بنت أختي
الحفيد:ياستي بابا متزوج أمي من25سنة وبعدين أنيسة دي بنت أخوكي مش بنت أختك إنت أساسا ملكيش اخوات بنات
الجدة:انت عندك حق أن مليش أخوات بنات عشان أمي مكنتش بتخلف أولاد
الحفيد:حراااام .. ياستي متطلعي البلكونة شويه دالهوا حلو برة
الجدة:لأيا أخوية في جدع حليوة وشعره مسبسب بره بيعاكسني
الحفيد:خلاص روحي المطبخ دلوقتي ماما خلصت الرز
الجدة:رز إيه يا واد هوة أنا فية سنان للمكرونة أنا أطلع البلكونة أحسن
بعد الامتحان الحفيد يقول:/
الحمد لله أخيرا خرجت وقدرت أذاكر ورحت الإمتحان تاني يوم وحليت كوبس الحمد لله بس للأسف المراقب سحب الورقة مني من غير مأكتب أهم حاجة فيها" يا ترى كان اسمي ايه؟ يا ترى كان اسمي ايه؟
أنا ميييين؟ أنا فييييييين؟ أنا لييييييه؟ أنا إذااااااااااااي؟ :smile..5:

ههههههههههههههههههه

هههههههههههههههههههههه
دمت ودام عطائك
ودائما بأنتظار جديدك الشيق

الله يكرمكم ياحبابي

طرح مميـــــز جدـآ ~
طرح رـآئـع وآلـآروع آنه منك ..
ربي يخليك يَ الغلـآ ’
ويعطيك العــــآإفيه .. .
نتتظر جديد آبدآعــآتك

ههههههههه شكراااااااااااااا